نكات مساطيل 2
مسطول ما قاعد يصوم نهائي يوم نام وصحا تاني يوم مشى لي مرتو قال ليها ما صحيتيني لي السحور ليه، قالت ليهو انت صيام ما بتصوم، قال ليها يعني لا نصوم ولا نتسحر خلاص بقينا كفار للدرجه دي.
🍒 🍒 🍒 🍒 🍒
مسطول قاعد في بيت واحد صاحبو بعد انتهي موضوعهم المسطول طالع ماشي على بيتهم المطره صبت صاحبوا قال ليه خلاص بيت معاي الليله المسطول وافق صاحبوا دخل المطبخ اظبط العشاء لمن طلع من المطبخ لقى المسطول مبلل مويه قال ليه خير الحصل شنو المسطول قال ليه ماف حاجه بس مشيت جبتي فرشتي من البيت وجيت.
🍒 🍒 🍒 🍒 🍒
مسطول جاي من الدكان شايل ليهو لبن في جـك في الطريق شاف ليهو قشرة مــوزه قام قال انا لو مشيت اكيد حــا انزلق واللبن حايتكشح عشان كـــده انا اخت الجك في الواطه امشي اخــــد زلقتي واجـــي اشيلو.
🍒 🍒 🍒 🍒 🍒
واحد قال لي مسطول أنا قبيل شفتك في السوق المسطول قال ليهو بالله وانا اقول الشافني قبيل ده منو .
🍒 🍒 🍒 🍒 🍒
مسطول ولدو محموم وداهو الدكتور الدكتور قال ليهو ولدك دا 'بيسنن' رد المسطول الشافع دا من ولدو انا شاكى فيهو.
🍒 🍒 🍒 🍒 🍒
واحد مسطول صحا بالليل سمع ناس الحي جايطين قام طلع لقي انو المويه فيها سم لمن جا راجع البيت مرتو سألتو في شنو ؟ قال ليها مافي حاجه اشربي ليك مويه وارقدي نومي.
🍒 🍒 🍒 🍒 🍒
مسطول اشتري جهاز رياضة المشي.شغلو وطلع فيهو.اليوم كلو ما نزل منو.مرتو قالت ليهو يا راجل كفاك انزل.
قال ليها والله الليله ما بنزل الا اشوفو موديني وين.
🍒 🍒 🍒 🍒 🍒
شايقي بخيييييل بياكل فى عنب. مرتو شحتتو قام اداها واحده. قالت ليهو واحده بس? قال ليها كلو طعمو واحد
🍒 🍒 🍒 🍒 🍒
واحد بيحكي لصاحبه مسطول قال ليه: ياخي أعمامك العجايز ديل كرهوني ف كل مناسبة زواج يغمزوا لي و يقولوا لي: جاييك الدور...صاحبو المسطول قال ليه: ديل بس كل ما تلقاهم ف بيت عزاء تغمز ليهم و تقول ليهم: جاييكم الدور
🍒 🍒 🍒 🍒 🍒
قال ليك عريس مسطول قاعد في الكوشة عاين شاف العروسة قاعدة جنبوا قال ليها انتي برضو عرسك الليلة ؟؟؟؟؟
🍒 🍒 🍒 🍒 🍒
مسطوووول ﻣﺮﺗﻮ ﻃﻘﺘﻬﺎ ﻛﻬﺮﺑﺎﺀ ﻭﻣﺎﺗﺖ ..
ﺳﺎﻟﻮﻩ ﺍﻟﺸﺮﻃﻪ ؟؟
ﻟﻴﻴﻴﻴﻪ ﻣﺎ ﺍﻧﻘﺬﺗﻬﺎ ..
ﻗﺎﻝ : ﻗﺴﻤﺎ ﺑﺎﻟﻠﻪ ﺍﻟﻌﻈﻴﻢ ﺍﻓﺘﻜﺮﺗﻬﺎ ﺑﺘﺮﻗﺺ ﻟﻰ
🍒 🍒 🍒 🍒 🍒 🍎هل تريد المشاركة في فيسبوك🍎 
